VICTORIA, AUSTRALIA – June 2018 nang tumungo papuntang Australia si Ryan Sta. Maria, 34 anyos para mag-aral. Kasalukuyan siyang kumukuha ng Migration Law sa Victoria at isang education counsellor para sa isang consulting group. Ngunit ang katangi-tangi kay Ryan ay ang kanyang social enterprise na Spice of Life Gourmet kung saan nag-o-offer siya ng gourmet tuyo, tinapa, ginamos, bagnet bagoong at iba pa.
Ayon kay Sta. Maria, kahit ano pa mang busy niya sa pag-aaral at pagta-trabaho, mahusay na time management lamang ang kanyang ginagawa para patuloy na maitaguyod ang kanyang negosyo kung saan niya hinuhugot ang kanyang ginagastos para makatulong sa mga kababayan sa Pilipinas lalo na sa kanyang hometown sa Malbago, Bontoc, Southern Leyte. “Spice of Life are made here in Melbourne, Australia. But the raw materials like dried herring are from Daan Batayan in Cebu,” sabi ni Sta. Maria.
“Si Ryan ay dating nakatira sa Barangay Malbago at malapit sa Beniton. Si Ryan ay tumutulong sa madami nang paaralan hindi lang Beniton IS. Una sa Malbago Elementary School, sumunod sa Banahao at pati Hitawos Integrated School,” ani Teacher Llano. At sadya pong napaka-importante na magkaroon ng additional classrooms ang Beniton IS upang maisakatuparan and pangarap na makapag-bukas ng Senior High School na malapit para sa mga taga Beniton, Malbago, Esperanza at Hibagwan at iba pang karatig na komunidad,” ani Teacher Llano.
Ang napag-usapan namin ni Ryan ay willing siya magbigay ng at least 300,000 pesos para maipatayo ito...malaking tulong na po ito sa pagtayo kahit structural phase lang,” ani Teacher Llano.